今日發現咗呢間韓式餐廳 MATJEOM，佢哋個新Menu真係好吸睛！而且仲有超勁嘅學生優惠，唔使食貴嘢都可以嘆到高質韓國菜！GOGOGO！🚀
🍽️ 招牌蒜泥豬腳：今日主角就係佢！個豬腳真係處理得好靚，皮Q肉嫩，食落完全唔會覺得油膩！最緊要係上面嗰層蒜泥醬，香得嚟又有少少甜味，配埋啲生菜一齊包住食，超有層次！食完真係會想Encore！😋
🍽️ 韓式小食：等上菜前點少得食小食！韓式炸雞好脆好好食🤤
🍜 清水牛肉冷麵：食完咁濃味嘅豬腳，叫碗冷麵清吓口就Perfect！個湯底好清甜，麵質又夠煙韌，撈勻埋啲配料食，真係超級解膩，舒服晒！🌬️
✨ 微醺之選：菠蘿啤酒🐻
佢哋嘅韓式酒精特飲都好有特色！我試咗個菠蘿啤酒，得8%酒精，好易入口，甜甜地帶點啤酒清爽！最啱放工或者約Friend嚟飲番杯，微醺吓傾吓偈！🥂
📢 大學生快閃優惠！
最重要嘅嘢要講多次！即日起至 2025年10月31日，大專院校學生惠顧單點招牌蒜泥豬腳，即享6折！呢個價錢喺中環真係冇得輸！學生證記得隨身帶住啦！快啲約齊班同學嚟食餐勁嘅！💯
