堅道27 (已結業)

6-6-2010又到西半山朋友屋企倒亂, 上去前先平平哋食個 lunch. 人在中環大把嘢食, 但唔想「返工」一樣, 結果行了上堅道食港式西餐, 變得「返學」一樣. 叫了「蒜蓉汁牛扒伴吉列帶子」跟「薯菜」($38), 飲凍奶茶 (凍飲加 $2); 朋友就食「牛油香草汁煎龍利柳」($40), 又係飲凍奶茶 (又加 $2).餐湯係「意式雜菜湯」(亦可選唔知乜忌廉薯仔湯), 其實即溝稀了的茶記「紅湯」, 不過飲落算清, 蕃茄味夠, 唔會好鹹, 仲有好多紅蘿蔔, 西芹, 椰菜 etc, 其實都收貨了. 凍奶茶勁多碎冰夠晒凍的, 賣相「奶」得很, 味道就似台式奶茶多 d, 不過甜度又剛好, 都 ok 的.主菜的「吉列帶子」即係「炸帶子形麵粉蟹柳」, 好久不見喎 炸得油淋淋又濕濕的, 唯有放棄;「牛扒」就一貫茶記 style 薄牛扒的韌及無乜肉味, 配上夠「蒜」但幾鹹的「蒜蓉汁」, 諗起中學時期經常幫襯的「蘋果餐廳」$30 學生餐, 幾有趣的感覺. 「薯菜」以疑似係鹽水烚翠玉瓜及炸薯片為主, 前者無食, 有「波浪紋」的後者則幾夠薯味亦夠熱辣, 蘸點「蒜蓉汁」, 味道都可以的.朋友碟龍