怕羞草 (已結業)

日同honey拍拖出巡，又食飯又睇戲，節目豐富。亞囝教路潮興去工廈搵食，我地兩老一於學潮人扮下嘢。從末去過工廈原來真係好多餐廳㗎！規模有大有小，好熱鬧啊！選中一間細細地，見價錢合理就入去試下。又熱又累，點了杯碟豆花梳打，清涼無比，成個人當堂精神曬！今晚餐湯是薯茸湯，有粒粒薯茸，濃稠有口感。烤蒜茸法飽好鬆脆。前菜是麻醬蕃茄沙律，蕃茄和菜都好新鮮，不過如麻醬多小小就更加好味。主菜是青囗煮意粉，青口鮮嫩不會老。意粉硬度適中，調味不太濃，有蒜香，正合我心意。今次真係好好的體驗，以後要跟亞囝攞多啲潮流資訊先得。