彤 (已結業)

今日突然好想一個人自己食下嘢, 所以book咗呢間“彤”。一入到去都有日本感覺，裝修都幾配合日本主題，淺啡色為主色調。呢一味🦪北海道產厚岸真蠔令我好深刻。首先去大大嘅外表好搶眼，肥厚嘅肉令人好想一啖咬落去。食落真係好鮮甜好肥美，有淡淡海水味一試難忘。再配上日本刺身水母，冷盤之中嘅佳品。呢碟🐟鰆魚我都覺得可以講下。因為呢種魚嘅質感真係好特別我從來未試過。可以話係細膩柔軟，而且有一種獨特嘅香味。唔知係魚本身嘅質感係咁，定係師傅整得好呢，因為佢話係透過稻草煙燻烹調，所以都有一種淡淡嘅稻草香。另外🍣吞拿魚醬油漬壽司個外型幾特別，似嗰啲韓國嘅飯卷。原來佢係包含咗赤身同中拖羅，咁樣做法可以令到脂肪比例互相平均起黎。而入面嘅紫蘇，蘿蔔，大蔥更加增添爽脆嘅口感。🦐熊海老壽司，食蝦嘅人一定好鍾意。同出面唔同嘅係佢用蝦包住嚿飯，或者係因為隻蝦太大所以要咁做啦。可以食到咁大隻蝦真係好正😀。