渝薌烤魚 (已結業)

朋友仔突然想烤魚，網上搜尋找到了渝薌，似乎食評不錯，放膽一試。想落 order 但肥肉阿姐唔想做咁款，不停閃避又扮盲，瘦肉阿姐較主動親切。只有 cheap cheap 鯇魚供應，無其他較好的魚。我想食大魚，無的話魽魚都好麻。無靚生料，只有廉價肥牛、蠔仔，滿足不到我貪吃的慾望。醉雞翼，酒味濃厚，不苦澀散發微甜香氣，如果雞肉滑點、有肉汁點就好咯，依家有點乾，有點浸過火，過下口癮還可以。麻辣蠔仔，腍劈劈，彈力不足，肥美欠棒，裙邊硬厚仲好多渣。不辣不麻，油膩感濃厚，鮮味微弱，試試無妨。麻辣烤鯇魚鍋中辣，中麻辣並不太辣，香味亦比想像中弱。火爐受熱不平均，半邊滾半邊唔滾，要不時幫食物移位，討厭！麻辣烤鯇魚鍋中辣，送一款配菜？我揀蘿蔔啦。您地都幾有趣喎，第一次遇到既魚鍋店！食過多間魚鍋店都安排好配菜跟魚一齊上，例如豆腐、豆卜、大豆芽、蘿蔔、冬瓜、萵筍，有些甚至有蜆有蝦作湯底吊味。但渝薌就淨魚上，每款配菜都要加錢！淡水鯇魚天生魚味淡，而且求其煎煎魚皮，無再加工或炸炸就直接落鍋烹煮，香氣已大打節扣，如此處理令我有點驚嘆！想原汁原味？終於都滾起喇，大大舊魚肉索滿湯汁，滴住水送入口，微微鮮魚味溢出少少辣但不