影片
更多
2017-12-21
81 浏览
紅磡區係我最近時常出沒嘅地方。最中意食地道野同日本野，而呢個地區可以完全滿足我嘅欲望，不但食物水準高，價格亦相宜。想同大家再介紹開業數年嘅拉麵天王，環境猶如置身日本。座位不多，lunch時間全店滿座。想特別提嘅係眼見店員十分忙碌，但禮貌十足，服務周到貼心。除左本身熱賣嘅三款拉麵，亦有季節限定嘅拉麵款式，呢期係胡椒天王同蕃茄天王。秋冬果然係食蟹嘅季節，之前食過另一間同區某拉麵店嘅蕃茄蟹肉拉麵，非常滿足，心思思就決定試埋呢度嘅蕃茄天王($92)。係競爭咁激烈嘅環境下仍能屹立數年，質素亦都擔得起天王呢個名。面頭鋪左一小座北海道松葉蟹肉山，蟹肉鮮甜味美。蕃茄肉蓉濃郁，賣相覺得有啲似肉醬意粉，但用上嘅係新鮮蕃茄，粒粒香甜嘅蕃茄肉再配上肉碎。用料新鮮，點都呃唔到人。先飲一啖豬骨湯，濃郁香滑，面頭佈滿油脂，但食落一啲都唔油膩。將蕃茄蓉、蟹肉同湯底撈勻後，亦係十分夾。蟹肉本身已經香甜，再吸收埋新鮮蕃茄蓉同豬骨湯嘅鹹香味，惹味香濃。最近腸胃不太好，點左軟麵。軟得黎仲帶一點咬勁，配試湯汁一齊食，剛剛好。溏心蛋係拉麵嘅精髓之一，每碗天王拉麵本身都會有半隻，蛋汁香滑。材料仲有紫菜、兩片日本叉燒等，全部都好合我
想同大家再介紹開業數年嘅拉麵天王，環境猶如置身日本。座位不多，lunch時間全店滿座。想特別提嘅係眼見店員十分忙碌，但禮貌十足，服務周到貼心。
除左本身熱賣嘅三款拉麵，亦有季節限定嘅拉麵款式，呢期係胡椒天王同蕃茄天王。
秋冬果然係食蟹嘅季節，之前食過另一間同區某拉麵店嘅蕃茄蟹肉拉麵，非常滿足，心思思就決定試埋呢度嘅蕃茄天王($92)。
係競爭咁激烈嘅環境下仍能屹立數年，質素亦都擔得起天王呢個名。面頭鋪左一小座北海道松葉蟹肉山，蟹肉鮮甜味美。蕃茄肉蓉濃郁，賣相覺得有啲似肉醬意粉，但用上嘅係新鮮蕃茄，粒粒香甜嘅蕃茄肉再配上肉碎。用料新鮮，點都呃唔到人。
先飲一啖豬骨湯，濃郁香滑，面頭佈滿油脂，但食落一啲都唔油膩。將蕃茄蓉、蟹肉同湯底撈勻後，亦係十分夾。蟹肉本身已經香甜，再吸收埋新鮮蕃茄蓉同豬骨湯嘅鹹香味，惹味香濃。
最近腸胃不太好，點左軟麵。軟得黎仲帶一點咬勁，配試湯汁一齊食，剛剛好。
溏心蛋係拉麵嘅精髓之一，每碗天王拉麵本身都會有半隻，蛋汁香滑。材料仲有紫菜、兩片日本叉燒等，全部都好合我口味。
另外點左一碟烤餃子($30/5隻)，外皮香脆，配上拉麵食，簡單又好味。
张贴
