孖啡 (已結業)

約友人到樓上cafe食嘢，兩個字，青！春！今次特別揀左網上口碑唔錯嘅「孖啡」。孖啡位置大約喺旺角潮流特區對面，唔難搵！行入餐廳，周圍環境都掛滿聖誕裝飾物，好有氣氛之餘亦添左一份浪漫！翻開餐牌，好開心佢地有Dinner set menu! 因為咁就唔洗咁麻煩嘛！友人同我分別叫左香蒜白酒蜆意大利粉同軟殼蟹黑松露意大利粉。餐飲就叫咗一個洋甘菊玫瑰茶，同奶昔。洋甘菊玫瑰茶有一個小蠟燭heat住，可以保持住茶嘅溫度，抵讚！奶昔不過不失，甜度適中!等一陣，嘢食送到！香蒜白酒蜆意大利粉上枱香氣迫人，陣陣蒜香味道！目測估計蜆肉達20粒以上。友人嘅軟殻蟹亦非常出色，勁大隻！咬落外層脆卜卜，外脆內軟；黑松露意大利粉亦煮得好creamy，好好食！下次有機會，一定要再埋其他！