潮館 (創紀之城五期(apm)) (已結業)

今日同母親大人兩口子去潮館，食左個兩餸，飽到傻左。由於星期日，都要等半個鐘先入到去.其實食一條魚係要講嗰條魚本身係唔係夠新鮮，同埋蒸嘅火喉夠唔夠到位。聽落好似好簡單，但其實好多時大酒樓都未必蒸得好。一係太過過火，一係裏面唔熟. 但呢條魚的火喉恰到好處,魚肉滑口又彈牙，魚味很足，一啖蔥一啖魚，正。雖然呢條魚都唔算太過大條，蒸起黎都相對易啲嘅. 最後有肉的地方都比我地清得一乾二淨。瑤柱花膠雜菜煲呢個一啲都唔簡單，佢落左好多種菜同好足料。有小棠菜，西蘭花，紹菜，菇類也有好幾種。加埋啲粉絲，食晒隻好飽肚. 佢用嘅蝦米唔係太大隻，用嚟調味還算可以。不過如果用大隻蝦米，口感會更加鮮明。花膠呢，都算幾爽口，雖則切得細細舊，但我哋都起碼食咗八至十塊左右，算係咁啦。瑤柱都有嘅，不過好少。