壹號冰室 (富洲大廈) (已結業)

依間餐廳有一樣野令我每次都必定會叫！🤩依樣野就係嫩雞米線！🍜🍜🍜食嫩雞米線可以有兩個叫法，第一個就係佢嘅全日餐牌，入面嘅C餐，就係「魚蛋片頭嫩雞米線」，包埋熱飲一杯，四十七蚊。湯底可以揀魚湯、沙嗲湯或者冬蔭湯！我平時食開冬蔭湯，酸酸辣辣幾開胃。第二個，就係menu入面，有個麻辣嫩雞米線，不過依個唔係餐，無野飲。但就平，只需三十幾蚊。同樣可以轉湯底。點解我會咁鍾意食佢嘅嫩雞米線？佢嘅雞係雞肉片，但一d都唔鞋唔硬，亦都唔肥，係輕食之選！有時去茶餐廳又唔想食碟頭飯或者焗飯咁heavy，叫依個就岩晒啦！💯💯