塚田農場 (已結業)

睇食評知道有間叫塚田農場嘅餐廳，入面主打係日本雞肉，今次終於可以去試下。因為食材由日本新鮮運到，而且係用日本嘅走地雞，所以雞肉特別嫩滑。最值得一提嘅係呢個美人鍋裏面嘅湯底呈啫喱狀滿滿的骨膠原盡在其中，俾人濃沃及真材實料嘅感覺 。雞肉結實而且雞味出眾，蔬菜盤非常新鮮，絕對係打卡之選，擺盤同埋色調都好靚。咁正的湯底當然要追加埋烏冬先食盡精華。最後甜品係石鍋雪糕新地，因為用石鍋盛載著，賣相已經十分精美。 由於用石鍋嘅關係雪糕慢慢食都唔會溶，配搭埋芝士蛋糕，真係超級creamy同埋好有日本芝士嘅味道。