影片
更多
2010-09-05
19 浏览
從倫敦返黎不經不覺已半個月，好掛住香港呢個美食天堂，上週末晚既意大利南部菜又未能令我滿足，今午就選左日本菜。點解選鳥羽名古屋料理？原因只有一個......就係要試佢既招牌菜 - 雞翼！响日本名古屋能夠做到整條街都係賣雞翼，就連機場都有雞翼手送賣，咁一定有佢既必殺技，let's go！餐廳位佔兩層，首先撘電梯到21樓，呢層係酒吧同散座，而我就被安排到20樓，沿住餐廳內既木樓梯行落去。我既枱响一間好似板間房裡頭既門口位，有d怪怪，房面積唔大，設有3張2人枱，有點焗束，好彩中間有個大窗，光線充足，否則影響食慾。原來下層全部係商房設計，某 d 房間仲係日式榻榻米，好明顯呢個佈局係為左應付中午既人流，明白曬！ 中辣鳥羽5隻：首先講招牌菜雞翼。本人 "好" 辣，但朋友則一般，所以選中辣，其實日本菜有幾辣，心裡有數啦！賣相與 Buffalo Wings、 港式炸雞翼、滬式焦鹽轉彎，越式牛油雞翼、甚至日式串燒雞翼相比都算係最低分。可能由於其瘦骨嶙峋既外貌所致，實則全靠佢犠牲追求豐滿體形先可做就呢個美食。名古屋鳥羽係食其脆皮同獨特味粉，所以响挑選雞翼方面，一定要瘦削，為求做到皮簿香脆，唔係啖啖肉果隻。聽
點解選鳥羽名古屋料理？原因只有一個......就係要試佢既招牌菜 - 雞翼！响日本名古屋能夠做到整條街都係賣雞翼，就連機場都有雞翼手送賣，咁一定有佢既必殺技，let's go！
餐廳位佔兩層，首先撘電梯到21樓，呢層係酒吧同散座，而我就被安排到20樓，沿住餐廳內既木樓梯行落去。我既枱响一間好似板間房裡頭既門口位，有d怪怪，房面積唔大，設有3張2人枱，有點焗束，好彩中間有個大窗，光線充足，否則影響食慾。原來下層全部係商房設計，某 d 房間仲係日式榻榻米，好明顯呢個佈局係為左應付中午既人流，明白曬！
中辣鳥羽5隻：
首先講招牌菜雞翼。本人 "好" 辣，但朋友則一般，所以選中辣，其實日本菜有幾辣，心裡有數啦！賣相與 Buffalo Wings、 港式炸雞翼、滬式焦鹽轉彎，越式牛油雞翼、甚至日式串燒雞翼相比都算係最低分。可能由於其瘦骨嶙峋既外貌所致，實則全靠佢犠牲追求豐滿體形先可做就呢個美食。名古屋鳥羽係食其脆皮同獨特味粉，所以响挑選雞翼方面，一定要瘦削，為求做到皮簿香脆，唔係啖啖肉果隻。聽侍應解釋日本總店既雞翼仲要比香港細同瘦，依家呢個 size 己經盡量形合香港人既飲食文化，食野都係食風味啫，不訪又睇下人地特式既優點，千祈唔好亂投訴，食要食得開心麻！
至於食味比我既第一感覺係胡椒既香味，呢種味粉既味道抅起我童年既回憶，好親切而且係獨有既，係我唐嫂煮比我地食既雞中翼。當時開始學習食辣野，總覺得愈辣愈刺激，唐嫂都係一個 "好" 辣既人，大人之中只有佢會煮辣雞翼比我地呢班細蚊仔食，每次都會放好多胡椒，我地圍埋一齊食到 "薯薯" 聲，但又好開心連汁都撈埋，胡椒有幾辣呀，想起當時幼嫩既細蚊情懷，都令我甜笑！
除食味獨特外，要讚其脆皮，唔單止一 d 都唔油，由食第一隻到食第二隻相隔起碼20分鐘，雞皮仍然脆口，襯上獨特既味粉同芝麻，各樣配撘都發揮到恰到既好處，夠味之餘，又唔會覺得熱氣油膩，相對其他各國既炸雞翼，名古屋鳥羽既炸係最健康，師傅要記一功。
如果能夠趁埋啤酒，簡直妙絕！
chopstick: 魚生燒鯖魚定食：
- 三文魚沙律：首先係顏色吸引，青青紫紫加上粉紅發亮既三文魚粒，觀感首先跑嬴。以於味覺就不過不失，普通啦！
- 麵鼓湯：有少許豆扑，麵鼓味足，ok 喎！
- 茶碗蒸：質地唔夠滑，欠味，完全失去茶碗蒸既特式。
- 魚生一份 (包括有甜蝦、三文魚、帶子、海膽等)：
以 Set Lunch 而言算係合格，因份量足，新鮮情度ok，海膽意外地又幾甜喎。
- 燒鯖魚 + 飯：
明顯無注意火喉，表皮呈深黑炭灰，食落都有小小焦味，雖然份量夠大，但難掩其過。
- 杏仁豆腐：
呢個小小甜品係呢個 Set Lunch 最佳之作。夠滑溜、富杏仁味、唔甜、小小份量足以令您回味！
燒牛排定食：
- 三文魚沙律：首先係顏色吸引，青青紫紫加上粉紅發亮既三文魚粒，觀感首先跑嬴。以於味覺就不過不失，普通啦！
- 麵鼓湯：有少許豆扑，麵鼓味足，ok 喎！
- 燒牛肉 + 飯：
一口咬落去覺得個醬汁好甜，以為係本人最唔鐘意既照燒醬，再試真d，原來係麵鼓醬，唔知會唔會係明古屋最出名既八丁味噌呢？可能係配上無醃製過既純味牛肉，食落又唔覺得太甜。另外牛肉肉質都算好嫩，如果有番牛肉味就完美喇！
- 綠茶雪糕：跟一般日本餐廳供應既綠茶雪榚水平一樣，都係飯後甜品必選之一。
* 套餐可加 $12 蚊轉飲波子汽水或菓汁。
服務：下層服務侍應唔多，兩位都係親切年青人，對客人提問都能充份回應。但見佢地無依客人order 隨意放低食物就走人，覺得呢方面可以做得更好，專業既服務技巧係一間出色食肆唔可缺少既一環。
-
张贴
