影片
更多
2023-05-07
609 浏览
下個禮拜日就係媽媽節，我呢啲識做嘅老公梗係早啲同老婆大人食咗媽媽節飯先啦！唔使同人迫食得舒服啲吖嘛！屋企人多食中菜係不二之選，老婆大人就揀咗間位置好鬼方便嘅大公館，呢度喺荔枝角地鐵站一出唔使5分鐘就到，同埋老人家小朋友一齊嚟都好方便。我第一次嚟覺得都幾鬼正環境優雅而且地方好大，枱同枱嘅空間亦都好夠大家都知道我鬼咁論盡地方大好緊要㗎。第一道菜老婆大人見到開心到飛起因為啱晒去打卡用吖嘛！呢個就係母親節套餐中嘅前菜清香柚子凍鮑魚。等老婆大人影完靚相之後即刻放入口食，鮑魚好軟熟加埋啲酸酸香香嘅柚子味好鬼開胃喎。呢一個整到鬼咁靚仔嘅係話梅鐵棍淮山，以前我唔鍾意食淮山㗎！自從我早幾年整牙老婆大人用淮山煲粥俾我食，先發覺原來新鮮淮山好鬼好食，而且仲要健脾開胃係好有益嘅食物嚟㗎！呢個用咗話梅嚟整嘅淮山爽口又好味正啊喂。跟住呢個川味口水竹絲雞當然係為老婆大人叫㗎喇！口水雞食得多用竹絲雞嚟整真係第一次食，口水汁對我嚟講有啲辣！但係老婆大人就食得好開心。我都係食返啲清爽嘅菜式呢個叫做麻香萵荀，萵筍夠晒爽口淨係帶少少花椒嘅麻味，清爽好食又唔辣啱晒我。不過講到啱食就非呢一個金甲脆魚皮莫屬，魚皮香口又脆口加埋啲鹹
屋企人多食中菜係不二之選，老婆大人就揀咗間位置好鬼方便嘅大公館，呢度喺荔枝角地鐵站一出唔使5分鐘就到，同埋老人家小朋友一齊嚟都好方便。
我第一次嚟覺得都幾鬼正環境優雅而且地方好大，枱同枱嘅空間亦都好夠大家都知道我鬼咁論盡地方大好緊要㗎。
第一道菜老婆大人見到開心到飛起因為啱晒去打卡用吖嘛！呢個就係母親節套餐中嘅前菜清香柚子凍鮑魚。
等老婆大人影完靚相之後即刻放入口食，鮑魚好軟熟加埋啲酸酸香香嘅柚子味好鬼開胃喎。
呢一個整到鬼咁靚仔嘅係話梅鐵棍淮山，以前我唔鍾意食淮山㗎！自從我早幾年整牙老婆大人用淮山煲粥俾我食，先發覺原來新鮮淮山好鬼好食，而且仲要健脾開胃係好有益嘅食物嚟㗎！呢個用咗話梅嚟整嘅淮山爽口又好味正啊喂。
跟住呢個川味口水竹絲雞當然係為老婆大人叫㗎喇！口水雞食得多用竹絲雞嚟整真係第一次食，口水汁對我嚟講有啲辣！但係老婆大人就食得好開心。
我都係食返啲清爽嘅菜式呢個叫做麻香萵荀，萵筍夠晒爽口淨係帶少少花椒嘅麻味，清爽好食又唔辣啱晒我。
不過講到啱食就非呢一個金甲脆魚皮莫屬，魚皮香口又脆口加埋啲鹹蛋黃真係正到無倫呀。
食咗幾個前菜之後嚟一碗家鄉生拆魚茸羹，我老婆大人整魚茸羹係一絕，但呢度嘅師傅整出嚟都好唔錯喎。
個湯奶白色好有魚香味，加啲薄脆落去一齊食係吸引嘅。
再嚟一個香口嘢呢個係三色藜麥金沙蝦球，我記得老婆大人減肥嗰陣就最鍾意食藜麥知道係健康嘢！今次師傅加咗落去邪惡彈牙嘅金沙蝦球上面又好鬼襯喎！唔覺唔覺就食咗啲健康食物落肚。
然後呢個西班牙火腿金芙蓉蒸星斑球就好得到老婆大人嘅歡心，嚿魚蒸得好嫩口上面嗰件原來係西班牙火腿，食落去鹹鹹香香味道都幾有層次，我就最鍾意下面個蒸蛋有啲酒味食到我舔舔脷，唔怪得知要放喺母親節套餐入面啦。
食中菜叫雞是常識吧！呢一隻脆米蒜香雞都係母親節套餐嘅菜，香口嘅雞皮加咗脆米食落去脆卜卜好鬼爽，加埋有蒜香嘅味道呢隻雞我鍾意食啊。
嚟到老婆大人最鍾意食嘅菜菜，佢揀咗呢個豆漿杞子鮮黑腐竹浸時蔬，同揀我一樣揀到正嘢喎哈哈！有好香豆味嘅黑腐竹仲有又淋又甜嘅津白，好味到個個都爭住食呢碟正菜啊。
大食嘅我梗係要個單尾炒飯先滿足啦！呢個金瑤櫻花蝦蛋白炒飯分量好鬼大，炒飯煮得粒粒分明好乾爽，加埋櫻花蝦、瑤柱嘅香味隊兩碗係平常事啦。
甜品係懷舊芝麻卷同埋金箔清心柚子糕，兩款都好食但係我就鍾意芝麻卷多啲。
母親節康乃馨套餐會做到14號，想食嘅朋友就要快啲訂枱喇。大公館
電話 : 27438055
地址：荔枝角長義街9號D2 Place 1期10樓A號舖
张贴
