吟彩 (已結業)

本来打算妈生日带她食海鲜大餐，不过得两个人妈怕唔食得好多，于是我就上网睇下边度有海鲜2人餐，无意中见到网上介绍「吟彩」的蟹宴，两位都系约1800，有8道菜，都几吸引，妈又话想试，咁就book左枱试啦﹗当晚的头盘是 香箱蟹配土佐酢啫喱，师傅把蟹肉垫底，再放入蟹膏蟹子，最面层配少少酸的土佐醋啫喱，放在蟹壳上，见到都觉得好吸引。另一个前菜系柿子银杏蟹伴黑鱼子芝麻豆腐酱，系用日本的富有柿载著撕好既蟹肉，再伴带少少豆香的芝麻酱汁，鲜味几浓郁，连柿肉一起食感觉令人开胃好清新﹗第3道菜是炭烧稻穗日本油蟹脚，侍应介绍时话系用备长碳烧的，蟹肉带炭火味，伴一束稻穗，粒粒稻穗经烘热爆开后，增添淡淡的稻香，食个时可加少少柠檬汁，鲜味立刻提升不少﹗之后有天妇罗，吟彩有个独立的天妇罗区，我地张枱正正对住，可以睇住天妇罗新鲜出炉。跟餐的天妇罗有蟹爪云丹、蟹味噌、蟹真丈椎茸、野菜。这里的天妇罗炸浆做得好好，薄薄一层包住蟹肉，外皮香脆，又食到入面材料的鲜味，赞﹗自己觉得最正的是海胆蟹爪，海胆的鲜味永远都无法抗拒﹗再跟住就系蒸原只毛蟹，我最喜欢食清蒸蟹，因为鲜味会更突出。毛蟹亦十分大只，完全足够2人分享，我同妈食得好满足