紅屋仔(芳記) (已結業)

搬在出黎，好少食到煮家飯，芳記我每次去都係令我好開心，因為佢有媽媽既煮家飯感覺！到節日慶祝可以預訂一d特式菜，推介胡椒豬肚雞湯！湯濃香，豬肚入晒味!讚！有一次老闆娘請我飲五指毛桃湯，都值得推介，香濃夠火喉！讚!排骨飯 -飯好食 不過排骨唔夠肥比較瘦蠟味飯好味!焗乳鴿- 要等九個字，但值得，脆到可以無骨落碟，好入味！最後記住留肚食甜品-薑汁燉奶同湯圓 個奶滑到bb仔塊面甘，滑一聲甘消失係口度，好舒服呢！東玻肉-我只食梅菜唔識欣賞上面舊肥肉，屋企人食後感係一試可以！ 推介原因用料好新鮮，感覺到好有誠意，唔靚唔用!