樂天經典 (奧海城二期)

营业中

休息中

今日係奧海城剪完頭髮，就嚟咗樂天經典食𡃤沙，其實之前已經食過，覺得好食所以返轉頭，今次就帶埋個朋友嚟試吓。在場環境不會太嘈吵，而且座位寬鬆，好有私人空間，食飯自然食得舒服。招牌扣肉包：扣肉鎖住晒汁，味道濃郁，而且也不太肥，啱晒一家大細同埋唔識肥膩嘅朋友。檸檬薏米水：青青甜甜，飲落新鮮，啱晒健康又貪靚嘅女人，一路食嘢一路清下口入面殘留嘅味道。呢度餸菜特別之處係好多道菜都會有分大、中、小，而我哋每次嗌小份量都係剛剛好。三杯鴕鳥肉煲：其實今次都係我第一次食鴕鳥肉，係一個好好嘅嘗試，未到嘅時候會驚肉質好醒，放到入口嘅時候發現有啲似牛肉而且一啲都唔聲仲比牛肉滑，幾好味添。鍾意食牛肉嘅朋友必試。喇沙海鮮米線：超足料嘅喇沙，海鮮又靚又新鮮，一睇就會知係用好食材，好多人都為咗呢碗喇沙慕名而來。最後重點介紹*皇牌酸甘香茅凍*：超超超好味，食完係會想再叫多個，要食2個先夠，有微酸好開胃，十分清甜，入口溶化而且口感一流，實在太好味了。