武士拉麵 (已結業)

放假咁得閒，梗係同朋友一齊去捐窿捐啦搵嘢食啦行到尖沙咀附近，見到一間日式裝修嘅拉麵鋪頭！忍唔住要入去試一試，因為我本人真係好鍾意食日本拉麵，自從我兩年前試過第一碗日本拉麵之後從此就愛上，因為日本拉麵嘅湯底真係好濃好好味而我本人覺得湯底亦都係日本拉麵嘅精髓。我叫咗個足利將軍拉麵（黑蒜油豬骨湯底）其實邊個係足利將軍呢我淨係識織田信長姐個湯底味道好濃郁，黑蒜油嘅味道好出，再加上湯底個感覺有少少「奶味」（相信D湯有好多骨膠原），叉燒入口即溶，唔會太熟似湯渣。佢煲豬骨湯真係真材實料佢呢個辣醬嘅味道亦都幾特別，我食得出入邊應該加左少少黑蒜油，用尼點下啲面尼食都有另一番風味！我朋友點左個武士沾（柚子魚介Wasabi 沾麵）呢個面嘅湯你能夠食得出有好香嘅柚子味，而Wasabi嘅味道唔會搶咗其他配料嘅味道，面質彈牙，再加上香濃嘅湯底，如果大食啲嘅話應該要加多底沾麵先夠食！依間日本拉麵店嘅質素，可以揮低好多間大型拉麵連鎖店，味道可以話比得上日本當地嘅拉麵