影片
更多
2011-06-09
535 浏览
上兩星期，去半島中心行吓，走入側門，見到橱窗內一條婚紗，幾 Elegant！唔知以為係真婚紗，睇真啲！原來係蛋糕嚟架！幾可亂真！相信係 Cake2 嘅「鎮店之寶」！另有 Bling Bling 閃石蛋糕！令我大開眼界！ 單看門面已相當吸引！ Cake2 已成立大約 9 年，最近 5月29日半島中心分店正式開張！裝修以白色為主調，配合同色系櫃子，簡潔清雅！主打為客人製作結婚蛋糕，因應客人需要而做出客人心目中嘅完美蛋糕。呢間蛋糕店除咗賣蛋糕之外，仲有曲奇、 cup cake & mini cake！我聽講生日蛋糕大約 $300 / 磅，認真唔平呀！ 咦！我見到有個近期熱門嘅憤怒鳥 ( Angry Bird ) 蛋糕，樣子好趣怪！ mini cake $38mini cake 款式繁多！各式其色！外表精緻且顏色鮮明！以不同顏色及圖案裝飾，令賣相生息不少！ 不同忌廉顏色代表不同口味！例如：黃色忌廉 - 芒果 / 檸檬 ，粉紅色 - 辣檸味 / 血橙，.......... 配有原味 / 朱古力味海棉蛋糕。 mini cake ( 粉紅色 - 辣檸味 ) $38之所以叫辣檸味，店方混入薑汁，十分
Cake2 已成立大約 9 年，最近 5月29日半島中心分店正式開張！裝修以白色為主調，配合同色系櫃子，簡潔清雅！
主打為客人製作結婚蛋糕，因應客人需要而做出客人心目中嘅完美蛋糕。
呢間蛋糕店除咗賣蛋糕之外，仲有曲奇、 cup cake & mini cake！
我聽講生日蛋糕大約 $300 / 磅，認真唔平呀！ 咦！我見到有個近期熱門嘅憤怒鳥 ( Angry Bird ) 蛋糕，樣子好趣怪！
mini cake $38
mini cake 款式繁多！各式其色！外表精緻且顏色鮮明！以不同顏色及圖案裝飾，令賣相生息不少！ 不同忌廉顏色代表不同口味！例如：黃色忌廉 - 芒果 / 檸檬 ，粉紅色 - 辣檸味 / 血橙，.......... 配有原味 / 朱古力味海棉蛋糕。
mini cake ( 粉紅色 - 辣檸味 ) $38
之所以叫辣檸味，店方混入薑汁，十分特別！亦富清新氣色！ 莫非件 cake 帶一點辣味？純粹好奇一試！可惜，薑味被強烈檸檬味 cover！ 黃色忌廉酸中帶甜！以鮮檸檬打成蓉，混入其中，質感幼滑細膩！粉紅色忌廉玫瑰花部分，質感滑溜軟腍，甜而不膩！ 至於，朱古力味海棉蛋糕，軟綿綿！朱古力味不太突出，甜味恰到好處！食到最核心位置，有一塊脆脆朱古力，真驚喜！ 想不到一件小小蛋糕，口感可以咁豐富！
cup cake $28
深紅色 - 紅桑子，橘色 - 血橙，杏色 - 榛子......，配有原味 / 朱古力味海棉蛋糕。另外，多款迷你 cup cake 可供訂造，店內有 sample 陳列，老闆娘話適合小朋友生日 party 、結婚回禮、宴會等。不過，最少訂造 30 個！每個 $20 起。
cup cake $28 ( 橘色 - 血橙味 )
一個小小嘅 cup cake ，上面加咗忌廉，簡單層次！小巧精美！ 將 cup cake 放入小禮盒之前，老闆娘加上銀色糖珠，令 cup cake 更顯得高貴！ 糖珠穿上銀色糖衣，好別緻！可提升華麗感！ 可惜，糖珠非常硬，好不容易咬爆！ 血橙味清新怡人！忌廉有入口即溶嘅感覺！ 原味海棉蛋糕夠鬆軟，味道清甜，反而比朱古力味海綿蛋糕更討好！論 size 比 Cake A Licious 略遜一籌！
總而言之，可感受到蛋糕師傅嘅心思及誠意！
我覺得 Cake2 比較中環 Cake A Licious 做得更好！正所謂「一分錢一分貨」！
可惜！只限外賣，無堂食！價錢略嫌貴一點！
Cake-A-Lious 唯一可取之處，正是堂食！雖然蛋糕款式繁多！但係不論賣相及質素則比 Cake2 遜色。
中環 Cake A Licious :
http://www.openrice.com/restaurant/commentdetail.htm?commentid=2166269
张贴
