沙嗲王 (已結業)

沙嗲王有樣野抵讚，就係佢久唔久就會推ｄ新既菜式。早幾日試左佢最新的娘惹咖哩牛肉，水準之作！咖哩夠香、牛肉唔會ｕｎ，雖然嗜辣的我會覺得佢唔夠辣，如果佢可以在點菜時分大中小辣，咁就可以比食客更多選擇啦！不過呢間分店有兩樣野要彈下。第一係冷氣超凍，而家夏天，我地一般唔會帶外套出街，凍到咁，成餐飯都覺得好唔自在，個咖哩仲好快被冷氣吹到唔夠熱！另一樣係佢個水吧有改進的必要！餐飲點了個芒果綠茶，點知飲落ｄ綠茶好似藥水味，沒有芒果味卻發覺杯底有一ｐａｔ未搞勻的者厘／醬狀的物料，好惡搞。頂唔順，跟住叫人換過杯穩健ｄ既凍檸茶，點知ｄ茶一陣煲焦左既味！其實分店都未試過飲品有咁大問題，希望呢一間可以改進下！