LOST STARS LIVEHOUSE BAR & EATERY (已搬遷) 新店位置

今日突然好想食威靈頓牛柳，即刻打去Lost Stars Livehouse Bar & Eatery訂，只需半日前預訂就食到，順便BOOK埋最後一張二人枱~ Lost Stars環境昏暗有情調，配埋悠閒音樂特別浪漫。 36小時海鹽風乾種子薄脆配紅石榴、蜜柑、羽衣甘藍沙律佐印度芒果油醋汁每次黎都必點，薄脆香酥可口，羽衣甘藍新鮮翠綠，營養豐富，仲有唔少香甜紅石榴粒同蜜柑，淋上秘製油醋汁，清新又開胃。 法式熱融蜂蜜芝士配法式麵包半溶芝士拉絲效果一流，配以蜂蜜，香甜柔滑，放上法包同食，滋味滿分。 黑松露薯條配黑松露巴馬臣芝士豆乳醬薯條炸成金黃色，熱辣辣外酥內脆，充滿黑松露獨特香氣，好誘人，沾上濃郁巴馬臣芝士豆乳醬更為惹味～ 威靈頓牛柳配法式伯那西醬佐意大利鮮香芹及甜醋初榨橄欖油半日前預訂即可，賣相非常吸引，酥皮金黃鬆化，充滿菇菌香氣，牛柳中心呈鮮嫩顏色，濕潤帶肉汁。 刁草牛油香煎澳洲深海盲鰽魚柳配熱帶風味莎莎盲鰽魚柳魚脂適中，肉質嫩滑無比，魚味相當香濃，魚皮煎至金黃色。 法式焦糖燉蛋配愛爾蘭奶油利口酒及雪糕燉蛋口感滑潤，食落啖啖綿滑緊緻，充滿濃厚蛋香，配埋香滑雪糕特別滋味。