八〇

营业中

休息中

After Eighty🇭🇰Hong KongAverage expense pp: $250-300+📍Address: After Eighty, Mong Kok大家對旺角嘅Cafe普遍印象就係打卡，食物質素唔掂。師傅曾經任職米芝蓮餐廳，所以真係有驚喜，估唔到咁好食。威靈頓三文魚幾值得一試，酥皮整得非常好，特別酥脆，牛油味頗香濃，入面仲有蛋皮襯同埋蘑菇泥，多重口感，入面三文魚依然非常嫩滑，連配菜薯菜炸都好香脆，整個擺碟非常精緻有心思。意式番茄海鮮意粉，意粉都幾煙靭，蕃茄味好香濃，入面海鮮份量唔少，唔少魷魚粒同埋海蝦！海鹽奶蓋薄脆咖啡真係好出色，海鹽奶蓋微咸香，薄脆香甜，咖啡醇甘，成個飲品飲落去層次好豐富，清爽唔膩。Hoijcha Latte拉花都好靚。特別鍾意黑糖麻薯窩夫雪糕，窩夫入面有黑糖麻薯真係好特別，雪糕口感好香滑，估唔到甜品都可以咁有心思。西餐來講呢間Cafe真係做得相當唔錯，食物質素高，真係值得去試。