6
1
0
等级4
1K
53
2019-09-03 421 浏览
師傅喺呢個環頭咁多年,從來都唔知呢度有一間食店,如果唔係最近話要寫車仔麵食評,相信都未必會發現到呢間食店。趁住呢一日天氣好,又冇落雨,師傅索性行遠少少,黎呢度會一會佢。食店地點又唔算好難搵,不過如果冇上網睇過,或者冇人介紹,根本好難發現呢個位置會有一間食店,仲要係食車仔麵。師傅搵到之後就行入去食店,食店裏面都幾多人,好多人喺度食緊晏,師傅一支公好難搵唔到位,所以好快就被安排入座,坐低再望下佢間食店,店內都幾多嘢食,有飯,有麵,有三文治等等,當然唔少得車仔麵啦,既然師傅黎到呢個地方,咁一定係試佢嗰車仔麵。二話不說就攞張車仔麵嘅餐單出黎,睇下有咩好食。望一望41蚊四個餸一個麵底,再望一望50蚊八寶餸,似乎食個八寶抵玩啲喎,加上佢嘅食物師傅都會想食,所以就決定柯打個八寶麵,另外再加多一份豬腸 ,加腩汁同香辣汁,油麵,之後就交咗張點餐紙比侍應。說時遲那時快,碗車仔麵就放左喺師傅面前,八寶有乜嘢呢 ?有魚蛋,豬紅,豬皮,牛筋腩,魷魚,雞中翼,蘿蔔同埋滷水蛋。當然仲有師傅另加嘅一份豬腸,前後九個餸,午餐食九大簋,咁咪話唔盞鬼!先試下佢湯底,湯底味道嘅幾香幾甜,味道討好,就算冇加到嗰啲辣汁,都有少少
更多
師傅喺呢個環頭咁多年,從來都唔知呢度有一間食店,如果唔係最近話要寫車仔麵食評,相信都未必會發現到呢間食店。趁住呢一日天氣好,又冇落雨,師傅索性行遠少少,黎呢度會一會佢。

食店地點又唔算好難搵,不過如果冇上網睇過,或者冇人介紹,根本好難發現呢個位置會有一間食店,仲要係食車仔麵。師傅搵到之後就行入去食店,食店裏面都幾多人,好多人喺度食緊晏,師傅一支公好難搵唔到位,所以好快就被安排入座,坐低再望下佢間食店,店內都幾多嘢食,有飯,有麵,有三文治等等,當然唔少得車仔麵啦,既然師傅黎到呢個地方,咁一定係試佢嗰車仔麵。

二話不說就攞張車仔麵嘅餐單出黎,睇下有咩好食。望一望41蚊四個餸一個麵底,再望一望50蚊八寶餸,似乎食個八寶抵玩啲喎,加上佢嘅食物師傅都會想食,所以就決定柯打個八寶麵,另外再加多一份豬腸 ,加腩汁同香辣汁,油麵,之後就交咗張點餐紙比侍應

說時遲那時快,碗車仔麵就放左喺師傅面前,八寶有乜嘢呢 ?有魚蛋,豬紅,豬皮,牛筋腩,魷魚,雞中翼,蘿蔔同埋滷水蛋。當然仲有師傅另加嘅一份豬腸,前後九個餸,午餐食九大簋,咁咪話唔盞鬼!

先試下佢湯底,湯底味道嘅幾香幾甜,味道討好,就算冇加到嗰啲辣汁,都有少少少少微辣係當中,不錯,再將佢個辣汁撈落啲湯底度,發覺個味道再正啲,但係又唔算好辣,味道惹味,不俗。望一望餸嘅份量,發覺大部分嘅餸都係三件左右,唯獨豬腸份量比較多,可能係另加嘅緣故,至於雞中翼有一隻,滷水蛋有一隻,牛筋腩就有少許,魷魚鬚應該有一條至大半條左右,作為八寶都算係咁,啱數架喇!

師傅首先試下個蘿蔔,蘿蔔炆得好腍,好清好甜又冇渣,簡簡單單,合格。再試下豬皮,豬皮都係得三大塊左右,煮得比較參差,一塊爽兩塊腍,普普通通,師傅就對佢麻麻地


再講下豬紅,豬紅係一粒粒,有三粒,味道正常,唔算話滷得好入味,但又唔算係冇味,豬紅入口係滑滑的,加上唔會一夾就散,算係不錯
。魚蛋都有三粒,魚蛋就真係普通過普通呀,求其街邊都食到嘅魚蛋 ,唔爽口唔彈牙,好彩唔粉口,肯定有得揀唔會叫,失敗
。魷魚鬚佢剪開細細條,一條條非常爽口,唔韌唔硬,非常好。

再講下雞中翼,雖然得一隻,但師傅鍾意,因為比想像中出色,而且滷得非常入味,加上雞中翼非常滑身,基本上將成隻雞中翼放入口中,可以輕輕鬆鬆攞返條骨出嚟
,呢個雞中翼如果一個餸嘅價錢係有兩隻的話,就真係幾抵食喇,當然師傅唔知道啦。牛筋腩屬於偏碎,但係肥瘦適中,牛腩味幾香,作為八寶麵嚟講有呢啲水準,絕對合格收貨。

之後係豬腸,豬腸嘅份量相對較多,因為另加嘅緣故,但炆得唔算入味,唔算好食,勝在炆得夠腍,可以啦。最後係滷水蛋,隻蛋真係滷到外深內乾,出面係深深嘅滷水色,咬開嘅時候蛋黃係實實的,講真食車仔麵冇必要都唔會叩滷水蛋,不過既然係八寶麵,勉為其難一次啦,八蚊一個餸,點隻蛋要八蛟,唔啱師傅玩法。最後嗰個油麵,油麵都係普普通通,唔算好得,正常麵底,當食下澱粉咁啦。

總括嚟講食物質素不俗,八寶麵性價比高,環境就比較迫,不過呢一區都冇乜邊一間會坐得特別舒服,勝在店員招呼親切有善,令人可以舒服咁食個晏。價錢都合理,50蚊算係好抵食,埋單58蚊,收貨啦。師傅覺得呢間食店可以再黎,因為都有幾多選擇,唔單止車仔麵,仲有飯或其他,笑臉係絕對需要比
551 浏览
0 赞好
0 留言
$58
100 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2019-09-03
用餐途径
堂食
人均消费
$58 (午餐)