影片
更多
2019-05-23
638 浏览
喺香港想搵一間比較好味少少嘅葡國餐其實好難，但點為之好味少少？我嘅指標好簡單，就係同我去澳門食嘅葡國餐做比較。一路都有留意坊間嘅報道同飲食節目，終於留意到呢間葡國餐廳。雖然佢有好多like，食評講到質素如何好，點都要靠自己嘅味蕾品評一次。但嚟到一打開餐牌，心情一沉，點解冇我喺澳門食葡國餐嗰啲基本菜式，包括焗馬介休、焗鴨飯嘅？唔通呢啲唔係葡國餐嘅菜式？細問之下，侍應話其實有焗鴨飯不過餐牌上面冇寫 ... 真係令我覺得好奇怪，但今晚就賣晒，無緣食了。至於燒馬介休就真係冇供應囉！一間葡國餐廳唔做馬介休係咩玩法？食親葡國餐，都會點選果酒Sangria，其實真心冇研究佢究竟係來自西班牙定葡萄牙，只要好味就可以啦，而近年更加鍾意白多個紅。今晚嘅白Sangria非常唔錯，無論酒味、甜度、果香嘅配搭都非常平衡，值得一讚！頭盤首先揀咗葡式拼盤，總共有四樣小食：葡式臘腸、馬介休球、葡式蒜香炸雞、炸魷魚。最差嘅竟然係馬介休球！令我十分之失望！大概只係食到薯蓉，無可否認薯蓉非常幼滑，但外面炸得唔算太脆，即係話，薯蓉本身太濕，麵衣炸皮好快就返潮變淋。至於最重要嘅馬介休，以我呢個馬介休控來講，真係食極都食唔出嚟囉
食親葡國餐，都會點選果酒Sangria，其實真心冇研究佢究竟係來自西班牙定葡萄牙，只要好味就可以啦，而近年更加鍾意白多個紅。今晚嘅白Sangria非常唔錯，無論酒味、甜度、果香嘅配搭都非常平衡，值得一讚！
頭盤首先揀咗葡式拼盤，總共有四樣小食：葡式臘腸、馬介休球、葡式蒜香炸雞、炸魷魚。最差嘅竟然係馬介休球！令我十分之失望！大概只係食到薯蓉，無可否認薯蓉非常幼滑，但外面炸得唔算太脆，即係話，薯蓉本身太濕，麵衣炸皮好快就返潮變淋。至於最重要嘅馬介休，以我呢個馬介休控來講，真係食極都食唔出嚟囉！失敗！至於葡國臘腸，鹹香十足，算有咬勁，都幾好食。葡式蒜香炸雞，蒜味都算有少少，但唔知道葡式在哪裏？最後係炸魷魚，好新鮮好軟滑，呢個超得！
食葡國菜另一樣食嘅當然係烤沙甸魚。沙甸魚算新鮮，外皮烤得非常脆，非常有油鹽香，魚味濃郁，冇半點腥味。但帶返個頭盔先，食魚肚嘅時候有少少苦，呢點尚可接受，因為呢類型嘅魚個肚通常都會苦苦哋。
跟住落嚟係葡式意粉。呢個意粉真係好葡式，第一啖入口嘅味道就係嗰種葡國菜嘅味道，因為充滿咗黑水欖，亦有加入葡式臘腸，加埋就係好明顯嘅葡國餐味道。而且比較多汁煮得比較濕，似係葡式燴意粉嗰種感覺，味道濃郁，相當好味！
最後揀咗甜品係焗酥皮香蕉薑卷配蜜薑汁，呢個堅係好好味，蕉味濃郁，薑味濃厚，酥皮熱辣辣脆卜卜，配埋雲呢拿雪糕，有冰火嘅感覺，堅係一流！
最後，整體上服務都唔錯，環境亦舒服，空間感算充足。但最後嘅最後，始終認為一間葡國菜餐廳唔供應焗馬介休真係好大嘅敗筆，好失望！
张贴
