一杯屋 (已結業)

最好食的仙台炭火燒牛舌水準保持得唔錯。朋友仔去完長途trip返黎同我食飯，提議帶佢去一試。好鍾意呢間小店的設計，牆壁至吧檯都用上深色木材，耐看又實用，比人感覺又舒服，好似脫離左都市甘。我地提出要坐吧檯前，近距離睇師傅做炭火燒，一邊睇一邊流口水⋯先來一人一客滋味的前菜，炆煮後的角切牛舌粒，配上蔥花，滋味得來不膩，正好做餐前小食。我二話不說點左極上牛舌同燒雞飯，朋友仔鍾意食刺身，揀左鯛魚同海建沙律。鯛魚係時令菜式，師傳切成薄薄一片，再砌靚靚先上碟。鯛魚本身味道較啖帶微腥，但如果加上蔥花蘿蔔蓉酸汁，就會變得好開胃。海鮮沙律的刺身份量好多，反而蔬菜比較少，只有一款生菜。主角終於出場了！炭火燒極上牛舌，炭香味濃厚，未入口已經聞到。第一浸的炭火香後，咬落去就係牛舌的豐富肉汁，牛脂味道重。兩種味道交融本已精彩，加少少檸檬汁更加有畫龍點睛的作用。幾欣賞呢間店的味道始終如一，同第一次嚐到的美味一樣！同場加映幾款炭火燒。帆立具好大隻啖啖肉。雞泡魚肝夠乾身夠甜。燒雞飯係最後一道菜，亦係另一個高潮。令我一試難忘的燒雞飯叫做「最好吃的燒雞飯」也不以為過。首先，雞扒份量多而肉質嫩滑。其次，炭火迫出了雞油，沾在飯面