南小館 (已結業)

我地一行4个女仔为其中一位庆祝生日，寿生女突然话想食哩间，所以当天先订位，好彩都订到。我一早去到餐厅，原来想拎位坐住等，点知原来有入座限时90分钟，咁只好等齐人先入去。等位时谂定食咩，一入座就即时落单，感觉好似同时间比紧赛咁。今次点咗生煎包，蟹粉小笼包，4小碟，手抓饼，西洋菜云吞，担担面，外婆红烧肉烧卖，酸辣汤，大白菜肉丝炒年糕。生煎包系当中最好食，包底够脆唔硬，又多肉汁，热辣辣，其次就系蟹粉小龙包，蟹肉唔算少，有鲜味，唔会腥，其他就一般。另外，外婆红烧肉烧卖同我地平时食开嘅烧卖婇唔同，因为哩只烧卖包嘅系糯米饭，不过都ok。埋单$480，唔算贵。