漁之部屋 (已結業)

我哋成班姊妹好耐無見，估唔到係勞動節終於出來一聚！ 一個價錢大把野食，夠晒滿足。今次來到新都城既漁之部屋，唔知係未放假，人山人海，排了長長人龍，好高人氣呀！入座時間都算準時，而且安排好快，店員又有禮貌，食物除咗有壽司刺身，仲有沙律、冷盤、甜品、湯、熟食同炸物等等。至於飲品更是包羅萬有，罐裝汽水、茶同自家製飲品。仲有我最鍾意嘅椰子水。放題當然唔少得刺身啦！選擇多又新鮮又無雪味。赤蝦鮮甜肥味，而且魚類都係超厚切，口感爽而且魚油味豐富。壽司細細件，唔會話勁多飯整飽你。芝麻雞翼 炸得超級脆，內裡仲KEEP到肉汁。燒菠蘿超級juicy唔好忘記要留肚比甜品, 除左自助區既小甜點外，仲有多款雪條任食。