影片
更多
2018-03-11
377 浏览
為了美食，千里迢迢坐車入元朗完全算不上是犧牲，可以一嚐這藝術般的美饌 完全是值得的！前菜已經好豐富，有日本富有柿豆腐沙律，鱈魚春，BB粒貝，同埋日本油菜鱈魚春：日本富有柿豆腐沙律：然後來了五款刺身：赤身（左） ，天使蝦（上） ，鯖魚（右），赤貝（右下） ，針魚（下）原來天使蝦呢個名，唔係純粹為咗浪漫，係因為佢係左一個最接近天國嘅地方捕獲的（澳洲同新西蘭中間的海域） ，有豐富嘅氨基酸，而且肉質都好好，水質乾淨的關係，可以安心食用，甚至乎蝦頭裏面的東西都可以食。赤貝係日本的赤貝，價錢比起中國或者韓國的更貴，但係佢哋為咗保障食材嘅質素，成本高啲都在所不惜。見到鯖魚刺身，大家都不約而同話平時食開都係醋鯖魚，但係原來要勁新鮮嘅鯖魚先至可以就咁生食做刺身。芝士加墨魚汁燒白子呢個配搭，真係天衣無縫！芝士再加白子，已經係濃郁之中嘅濃郁，再用了墨魚汁去燒一燒，更高一個層次。顛覆了主次，看似平凡嘅蘿蔔，成為呢個菜式嘅主角，芡汁方面原來是蛋蛋同埋帶子，十分之鮮美滑溜，而且食落每一啖蘿蔔都好多汁，個心仲特別甜。原來呢個蘿蔔都大有來頭，係一個東京嘅農夫經過多番嘅研究種出來的，體型細啲，中間個蘿蔔心特別甜。壽司環
為了美食，千里迢迢坐車入元朗完全算不上是犧牲，可以一嚐這藝術般的美饌 完全是值得的！前菜已經好豐富，有日本富有柿豆腐沙律，鱈魚春，BB粒貝，同埋日本油菜
鱈魚春：
日本富有柿豆腐沙律：
然後來了五款刺身：赤身（左） ，天使蝦（上） ，鯖魚（右），赤貝（右下） ，針魚（下）
原來天使蝦呢個名，唔係純粹為咗浪漫，係因為佢係左一個最接近天國嘅地方捕獲的（澳洲同新西蘭中間的海域） ，有豐富嘅氨基酸，而且肉質都好好，水質乾淨的關係，可以安心食用，甚至乎蝦頭裏面的東西都可以食。
赤貝係日本的赤貝，價錢比起中國或者韓國的更貴，但係佢哋為咗保障食材嘅質素，成本高啲都在所不惜。
見到鯖魚刺身，大家都不約而同話平時食開都係醋鯖魚，但係原來要勁新鮮嘅鯖魚先至可以就咁生食做刺身。
芝士加墨魚汁燒白子
呢個配搭，真係天衣無縫！芝士再加白子，已經係濃郁之中嘅濃郁，再用了墨魚汁去燒一燒，更高一個層次。
顛覆了主次，看似平凡嘅蘿蔔，成為呢個菜式嘅主角，芡汁方面原來是蛋蛋同埋帶子，十分之鮮美滑溜，而且食落每一啖蘿蔔都好多汁，個心仲特別甜。
原來呢個蘿蔔都大有來頭，係一個東京嘅農夫經過多番嘅研究種出來的，體型細啲，中間個蘿蔔心特別甜。
壽司環節開始了！
九繪魚
有少少綠茶鹽
金線鯛／紅衫魚
好香魚味，好鮮甜。而且佢呢個形狀，原來係師傅用熟練嘅刀工切到佢好似欲斷難斷咁。
甜蝦加上一啲烘乾磨碎嘅蝦殼，蝦殼個味好出，係一個好唔錯嘅調味。
赤陸
幾Rich，因為合時令
竹籤魚／梳子魚 （上有烏魚子粉）
剝皮魚加魚肝（生）
印象中好似係第一次，食生嘅魚肝，但係原來咁樣食食到佢的濃郁滑溜之餘，一啲都冇油膩感。
拖羅
拖羅的魅力，除咗佢豐厚嘅油脂，仲有佢獨有嘅魚香。
海膽加三文魚子
新鮮嘅海膽加上脹卜卜的三文魚子，真係食幾多都唔會厭。
最後有一個大蜆湯，
除咗有蜆嘅鮮味，亦都散出陣陣柚子香，原來湯之中落咗少少柚子皮。總括而言，今晚的用餐體驗不錯，除了巧手，師傅平易近人，臉上常常掛着甜美的笑容（真係好甜） ，俾人一種十分善良的感覺，樂意同我地講解壽司刺身的食材來源，讓我們又長知識。
张贴
