可恨我一見"喇沙"兩個字已經流晒口水, 而且咁近我屋企, 蔡生嘅暗示我已拋到九霄雲外
之前行過兩次想食lunch都未開, 令我更加想食!
今晚終於同老公去試, 點知期望越大失望越大
我叫咗碗魚蛋喇沙油面, 有d奇怪點解連烏冬都有得揀但反而無"摻摻"揀
一邊等一邊幻想一黎到就立即飲啖喇沙湯底, 喇沙湯底應該又香又鮮又濃嘛!
點知碗面一黎到發覺湯底偏黃, 一飲即刻令我失望到爆, 老實講, 湯底似咖哩味多過喇沙味,
湯係好濃, 但唔係咁嘅味道囉, 鮮味呢? 香味呢? 究竟佢地知唔知喇沙係咩味?
一路食一路唔開心, 雖然蔡生有讚過佢地個蝦湯底, 但我決定唔會再黎!
我覺得我係百佳買嗰隻紙盒裝嘅喇沙easy to cook, 煮出黎仲好食過呢間店多多聲!
