翡翠拉麵小籠包 (已結業)

上星期有晚六點三去到，我地四位，只係等兩張，但係十分鐘後到我地時，突然有個洋人同佢中國太太加bb上前，門神小姐比佢地入座。我地覺得都無所謂，因為佢地先前有人未到，所以人齊就入座。點知過幾分鐘就到我地，我朋友去洗手間，門神小姐話要齊人先准入座，咁我話佢很好返，我地可以叫野先，唔會阻你時間，但係佢堅持要我地齊人先比入。過一陣，我地人齊就話比佢知，點知佢唔係好似對個洋人咁下一張就比我地坐，而係要我地再等，佢話因為佢叫另一個客人佢前面等一陣。我地當然不服，於是同佢理論，但係佢手操生殺大權，我地都無計，但係走又唔抵，去第二間又要由頭再等過位，於是繼續等，足足等大半個鐘，期間仲聴到門神小姐透過對講機同佢d同事對我地議論紛紛。其實翡翠差不多間間都係咁，安排座位的做法很令人煩厭。再幫襯﹖無下次啦﹗睇怕佢地有d outlets執笠都係有原因的。