食物選擇兩隻手數得曬，仲要基本上全部都係炸野，唔係炸野得一個選擇。本身以爲樓上café D野食會比較平，但都要$130一個餐。仲要D食材好明顯唔值$130，係其他café用$60~$70就食到。
香煎龍利柳配牛肝菌長通粉：我宜家先知原來炸係【香煎】禁解🙄，成條魚係炸，仲要無咩肉、因爲唔食得炸野，全部炸皮整走左之後無咩肉食！點解炸魚要寫作香煎呢？牛肝菌長通粉個名就好聼，牛咩肝菌啊，咪罐頭蘑菇湯！又淡又無味！
黑椒手打牛肉芝士漢堡配薯條：成個漢堡又乾又hea，我食$50幾既港式漢堡仲好食過佢。D薯條仲要凍曬霖曬！
餐果個飲品就算啦，超稀超淡。早知唔叫餐要飲品，仲可以俾少$20!
禁既野食真心無動力影，hea影算！
