韓點 (紅磡) (已結業)

平時有經過都想試，今日終於冇咁多人排隊。係下午茶時段就入咗去叫咗個炸雞，細嘅＄19。兩個內地廣東話口音嘅姐姐員工，一個負責收銀、整菜，另一個放飯中同埋傾計，最後見我坐咗喺度等，其中一個姐姐先記得要幫我整炸雞堂食。初時以為係會卜卜脆，點知食落實在太多醬汁，搞到我以為食緊蒸雞，一啲都唔脆，淋pat pat。醬汁尚算好味，但係$19分量就有啲太少，寧願去麥當勞食個炸雞翼仲好。p.s. 題外話，見唔少人都有order嗰份紫菜壽司卷，本身都想叫，但係係等佢整返炸雞嘅同時，見到佢用一把界刀就咁切啲壽司，而個界刀嘅刀片亦都開始變黑.....見到咁就已經卻步啦......