星座冰室 (已搬遷) 新店位置

我承認係好介意一間餐廳環境既人,但係有些食店的確幾有特色,星座冰室就係其中之一,久不久都要克服呢度既環境因素.但好在服務一般,唔係惡劣,如果唔係真係唔會再來.地點係香檳大廈地庫而呢度既$37 蕃茄雞翼撈蛋麵係我每次都幾乎叫既食物.賣相基本上同嘔吐物一樣,但係味道就差天共地,蕃茄落得夠狠,又咸又酸,加上蛋汁既味道,十分開胃,仲隱約食到落左出前一丁既味粉味道,三者十分溶合,麵條係硬硬地,唔係煮到好軟那種,食起黎更有風味雞翼係煎過,但係雪味重,肉不嫩,好在只係配角.坊間有好多好食既蕃茄麵,但係呢度既風格真係好特別$20 西多士就水準麻麻,好油,花生醬既質素好低下次黎都係食個麵比較合適.