南記粉麵 (中海日升中心)

营业中

休息中

一直都好鐘意食南記，由重口味嘅小鍋酸辣到清湯招牌河 (清湯先可以落辣椒油，小鍋酸辣落咗都遮哂，同埋佢本身都夠哂味) 我都好鐘意，雖然餸方面我淨係鐘情腩肉 (唔知點解近年餐牌改咗叫辣豬肉) 同埋春卷，幾乎來來去去都係揀呢兩樣餸咁滯，但係都無損我對佢嘅熱情，自從年零前嘅新湯底麻酸辣 (我覺得呢個湯底太鹹) 之後，今日如常去南記發現又有新湯底喇，就係酸菜魚湯底，酸菜石班魚米線套餐跟杯豆漿盛惠53，呢個湯底味道夠哂酸，非常頂癮，本身唔係好辣所以有條件落辣椒油，落完之後嗰個酸度同辣度係我至愛嘅水平，餸菜方面，收得你嗰53蚊，個”石班”魚係點相信都會有心理準備，比較特別嘅係入面有花生芽(雖則我唔係好好) 同幾舊醃過嘅酸蘿蔔，夠哂誠意，暫時呢個酸菜魚湯底成為咗我喺南記嘅飛佛。