INN - I’m Not Nothing (已結業)

美美o既西餐廳，裝修到好似宮殿一樣：華麗o既水晶燈，仲有落地o既大curtain，檯凳則係優雅、少少復古o既設計，你會覺得同english tea 一定會好襯。 後我少少入座o既女仔，一入o黎就大叫「嘩乜e 道咁鬼靚o既~！﹖」，女生一定超鍾意呢d。當我聽住背景播緊o既法文歌，一心準備享受一頓高級宮廷料理，卻又不其然被餐廳玩味、惡搞o既元素引來一個會心微笑……午餐o既香燒焗豬肉眼配金巴車厘子醬($118 未加一) 塊豬扒厚身肉地，脂肪度唔高，附上o既紅色車厘子醬味道清甜，滿滿車厘子同蘋果o個種果香，同塊扒幾搭配，係道菜o既靈魂所在。唔計呢個醬，塊扒本身都淋o左一隻類似洋蔥汁，同埋順便都俾埋yellow mustard 你，各式其適，梗會o岩你口味。跟餐有一客是日餐湯，係甘筍忌廉湯，佢creamy 濃稠，帶有甘筍碎o既顆粒口感。o係店員姐姐o既推介之下，餐飲試o左一杯熱情果薄荷梳打(加$23)。果然無介紹錯，杯o野堆砌得有d 像mocktail o既感覺，更重要o既係我覺得個調配比例幾好，酸甜得宜；曾經出面飲過d 會比較酸，亦都有d 可能落得太少果汁，會較重梳打水o個隻寡味。