Food Garden ETC (已結業)

D2 真係好啱我地呢啲年輕人去，哈哈！裡面又有VR玩，食肆都比較創新，我倆就搵咗呢間food garden 食個靚飯。好，坐低睇吓有咩好食先。叫咗兩個主食，加$50仲有湯同飲品，是日南瓜湯，餐包係香草味包包。芝士焗薯蓉，表面焗到少少焦，食落香口，仲有拉絲芝士。黑松露野菌忌廉汁長通粉，濃郁嘅黑松露味，配上淡忌廉，長通粉軟硬度啱啱好。冬陰功汁海蝦帶子意粉，有冬陰功嘅辣同香，特別係冇傳統冬陰功果種酸辣，反而帶少少微甜，同意粉嘅starchy更夾。香蕉班cake配朱古力雪糕，最後甜一甜，薄薄pancake包住滑溜嘅cream，仲有香蕉、朱古力雪糕，正！飲品叫咗熱朱古力同鮮奶抹茶。