URBAN COFFEE ROASTER (美麗都大廈)

营业中

休息中

仔女返全日就係我同老公嘅最佳拍拖時間，今次就決定食西式早餐，因為比較少機會食，又唔洗帶住仔女趕頭趕尾咁食。門口裝修都好有懷舊咖啡店風味，鍾意嘅可以買杯外賣咖啡，坐喺凳上面影相打卡添。話得食早午餐，梗係愈豐富愈好啦！咪睇份量好似好細咁，原來係會食到好飽㗎！老公叫咗「油漬黃油雞賓尼迪」，仲要有少少辣嘅，另外再加咗半份牛油果 + 煙肉，賓尼迪下面係有塊多士，所以食哂成份係真係飽。而我最鍾意食西餐廳嘅牛油果，因為熟嘅程度剛剛好，超正！我自己更係食至愛嘅「煙三文魚賓尼迪」，配埋菠菜同埋個醬汁超 match。另外再加咗豬肉腸，都好好味！飲品係要另叫嘅，我就飲「Caramel Latte」，拉花都好靚呀！老公就飲「Matcha Latte」，濃濃嘅抹茶好香。總結：餐廳唔大但坐位都好舒服，而且都幾多人食，有堂食，都有外賣咖啡嘅，下次經過都要再嚟買杯咖啡先。