影片
更多
2007-09-14
87 浏览
對呢間食肆，我只可以用一個「好」黎形容，當中係因為佢嘅食物得之外，亦有好多感情分。尋晚老婆一句：「想食雞」，之後就四出張羅打聽。結果，都係去返老地方。叫咗：1. 醉豬手好入味，皮脆、肉彈牙而不硬，偏甜而酒味適中，合一家大細飯前食。2. 炒蟮糊拼賽螃蟹炒蟮糊加咗賽螃蟹係下面。蟮糊彈牙、芽菜又脆、蛋白滑，而且炒蟮糊嘅燒汁將各種食材完美咁融合。3. 南乳炒蓮蕅南乳香，依然有一絲絲酒香；蓮蕅脆，但又未被醬汁蓋過鮮味。4. 出位豉油雞呢個係重點。佢嘅豉油汁配得天衣無縫，香甜醎鮮，但又唔覺膩。而且，佢嘅雞，從脾到胸，每一件永遠都係咁夠味、咁滑、同一樣都係剛剛熟，從未失手。5. 嫩雞煨麵呢個係叫俾阿女食嘅。碗麵係一般酒樓上湯淨麵嘅大細，阿囡歲半唔夠，竟然係有食其他野嘅同時，食咗3/4碗麵，可見佢真係好鍾意。無他，好味嗎！6. 紅豆沙雖然無自己阿媽做得咁好，不過好香、好足料同火候，仲食到有小小果皮味添。叫咗咁多碟，三個人係食唔晒嘅，老婆就留起些少第二日當晏餐。故事時間：自從02年係佢嘅海港城舊舖食過一餐晚飯之後，就俾佢簡簡單單嘅大芥菜肉片湯同砵酒焗生蠔吸引咗。雖然SARS期間佢結咗業，之後係堪富利士道
尋晚老婆一句：「想食雞」，之後就四出張羅打聽。結果，都係去返老地方。
叫咗：
1. 醉豬手
好入味，皮脆、肉彈牙而不硬，偏甜而酒味適中，合一家大細飯前食。
2. 炒蟮糊拼賽螃蟹
炒蟮糊加咗賽螃蟹係下面。蟮糊彈牙、芽菜又脆、蛋白滑，而且炒蟮糊嘅燒汁將各種食材完美咁融合。
3. 南乳炒蓮蕅
南乳香，依然有一絲絲酒香；蓮蕅脆，但又未被醬汁蓋過鮮味。
4. 出位豉油雞
呢個係重點。佢嘅豉油汁配得天衣無縫，香甜醎鮮，但又唔覺膩。而且，佢嘅雞，從脾到胸，每一件永遠都係咁夠味、咁滑、同一樣都係剛剛熟，從未失手。
5. 嫩雞煨麵
呢個係叫俾阿女食嘅。碗麵係一般酒樓上湯淨麵嘅大細，阿囡歲半唔夠，竟然係有食其他野嘅同時，食咗3/4碗麵，可見佢真係好鍾意。無他，好味嗎！
6. 紅豆沙
雖然無自己阿媽做得咁好，不過好香、好足料同火候，仲食到有小小果皮味添。
叫咗咁多碟，三個人係食唔晒嘅，老婆就留起些少第二日當晏餐。
故事時間：
自從02年係佢嘅海港城舊舖食過一餐晚飯之後，就俾佢簡簡單單嘅大芥菜肉片湯同砵酒焗生蠔吸引咗。雖然SARS期間佢結咗業，之後係堪富利士道再開返同變咗以川菜為主，d野食依然係咁好味。
以前一年都會幫襯幾次，不過自從生咗阿b之後，因為佢d枱比較迫，所以真係足足一年無去過。但係佢嘅知客陳小姐真係好厲害，訂過一次枱就記得我係朱生，到而家仲認得我個女添！代客泊車嘅哥哥都好好野，離遠都認到我架車。
而且佢好似番新過，d枱又無咁迫，一定會去多d。仲有，好希望十幾廿年後會係阿囡帶我地去。
张贴