晴舍 (已結業)

一直好想來這間餐廳，今天有機會食 lunch, 入到去問我有冇訂枱，我冇訂枱等了15分鐘咁啱有窗口位置，非常舒服！我們點了3個午市套餐，滑蛋豬扒飯，豬扒還是脆的，其他好多餐廳豬扒已經唔脆，這個有驚喜！安格斯稻庭烏冬，湯底好味，牛肉非一般牛肉，好濃牛味，好好食！加錢叫了飲品，熱朱古力好濃，似 Dark Chocolate, 好飲，另一個是凍朱古力咖啡(Mocha), 可惜凍飲份量太少，隻杯好細隻仲有冰，根本冇幾多可以飲。我們之後還叫了2個蛋糕，日式芝士蛋糕(跟餐+$23)和荔枝芒果芝士蛋糕，荔枝芒果芝士蛋糕好特別，味道好清新，好味！整體感覺非常好，環境舒服，食物好味，價錢ok, 我們食完之後坐了約半小時聽下歌，玩下手機，都冇人趕，下次會再來。