羅麥記 (V City) (已結業)

舊式香港茶記一直都係最鐘意既格局之一好想揾返當年少少個同爸爸媽媽一齊去茶記既情懷於是晚餐就去左舊式香港茶記裝修既羅麥記感受下昔日先羅麥雜扒餐 $108份量都OK的, 豬扒, 牛扒, 雞扒, 司華加腸都齊全, 扒既味道都OK既, 但司華加腸就過淋, 估計係淥耐左, 而且食完覺得性價比真心好一般, 同一般快餐店的質素都差唔多, 但價錢就比人貴左差唔多一倍避風塘乾炒牛河$68上枱已經感受到D碟牛河唔可以話熱既, 最頂龍只能夠話係暖, 碟野完全無鑊氣都算, 食落口似係應該三四個鐘前炒定, 之後我地叫左就叮返上枱比我地食, 完全冇諴意可言, 而且唔夠味, 差總結羅麥記既裝修的確值得一讚, 但食物完全唔可以同舊時港式茶記比, 如果大家想要視覺上感受到舊式港式茶記既話我推薦大家去但如果大家仲想係味覺感受埋香港舊式味道既話, 我就不會推薦