泰玖 (已結業)

呢間泰玖裝潢都幾特別，係用居酒屋bar seat形式，見到廚師整串燒既情況，店內座位唔係太多，但係行精緻路線，幾啱同一兩個朋友黎傾計食飯。佢Menu同碗碟都幾高質別緻有心思，用QR code落單，菜式好多自己特色又多款式，款款都好想食。我今晚兩個人叫左： 🔸️ 泰玖金磚蒜蓉包 ($42，9.2/10)招牌特別菜，金磚蒜蓉包超脆超香牛油味，甜甜地又香口，係食到停唔到口，推薦！ 🔸️ 泰式鳳爪沙律 ($68，9/10)欣賞佢有好多香料配菜，鳳爪辣度啱啱好，仲要冇骨，可以大大啖咬。佢都幾大碟，鳳爪都好大隻又爽口！讚！😊 🔸️ 泰式明爐桂花魚 ($158，8.8/10)食泰國野最中意叫明爐魚，今次佢係桂花魚，唔算好多骨，配埋秀珍菇同肉碎食都好鮮甜入味，佢個明爐湯底好香，飲左兩碗😂 🔸️ 海南雞 ($108，9/10)呢個海南雞我都十分私心推介！好大碟之餘，雞肉都十分肥美嫩滑，好有雞味。點埋佢嗰個泰式汁，好好味！成碟食哂😋 🍹 凍青檸梳打 ($38，8/10) ✏️總括而言，食物質素都餐廳環境都唔錯既潮泰國菜餐廳！推薦！