長阪燒 (已結業)

難得清閑，就要去食一餐Omakase滿足下自己啦，呢排發現一間旺角嘅Omakase，價錢只需$468，好抵，而且味道好好。我哋揀咗佢嘅長阪12旬彩席間料理，前幾道菜式，師傅會係你面前整畀你，仲會用一個好長嘅板傳送比你，好有意思。味道都好正，我特別鍾意佢嘅鯛魚，好清甜。然後食完魚生類嘅食物後，就會有店員逐一送上唔同嘅野食。佢嘅蒸物就係蒸蛋，用蛋殼裝住，形狀好似鳥巢咁可愛，打卡簡直一百分。所有嘢食都好正，連甜品都一啲都唔馬虎。佢哋嘅甜品有西瓜汁，蛋捲同埋蕨餅，西瓜汁上面仲有一個煙燻嘅波波，好靚同夢幻。