六游

营业中

休息中

最近係中環見到有一間上海麵小店，感覺幾好食，於是今日收工就越埋屋企人一起去食，呢到裝修簡約精緻，好有家嘅感覺，呢到有三款人氣湯麵，包括特濃蝦湯、雞湯同魚湯。店員都有特別介紹呢到嘅湯底都係自家熬製，湯底特別濃郁，食後覺得都確實是香港難得一見嘅出色精緻上海麵店 ， 感謝老闆用心熬製無味精湯底，我同屋企人都係連湯都清埋。呢到更加有午市套餐優惠，下次都要帶同事來！朋友要左特濃蝦湯，裡面有蝦，雞肉丸，炸金菇、雲耳同洋蔥加蔥花，我都試咗一口湯底，真係又鮮又濃，蝦膏味好出！我就要左六游三鮮魚湯上海麵，裡面有雞胸、雲耳、蓮藕、洋蔥加蝦肉蟹肉、墨魚同埋蔥花，呢個湯底真係一流，超級鮮甜，而且上海麵口感好出色，q q嘅口感加埋濃郁湯底真係100分！小食方面我地就要左蟹肉黃金蓮藕，呢個小食真係唔好睇小，蟹肉新鮮，份量亦都唔少，蓮藕炸得金黃色！