御老鍋台式火鍋 (已結業)

好少行嚟金巴利道呢邊，原來呢度有間酒店，仲收埋咗一間咁養生既台式火鍋 - 「御老鍋台式火鍋」，失敬失敬😂🌟御·前膠原蛋白美人鍋🌟見餐牌有多達八款養生湯底揀，款款都想試，款款淨係睇個名都好養生咁😍，最後就揀咗呢個美人鍋，完全係比個名吸引到😂湯底有烏雞、龍眼肉、枸杞、紅棗、金華火腿、桃膠等等材料熬製而成的，滿滿既骨膠原，當湯滾之後，店員建議我哋先飲一碗熱湯先放打邊爐材料，湯底非常鮮甜美味，飲完仲想飲多碗果隻😂🌟西班牙 - 極品黑豚肉眼卷🌟黑豚肉眼肉肉質鮮嫩，口感豐富，脂肪同肉分配平均，加埋靚靚嘅擺盤，呈現出是一款高級肉品。🌟手拍小青瓜🌟等待湯底滾既時候，一道爽口鮮甜既小青瓜，來得好合時，一路食一路等👍🏻🌟繁魚花膠筒🌟今餐亮點之一既花膠筒，每一條都大大條，好豐富既膠原蛋白，食完都覺得塊面脹卜卜的，強烈建議要點既一道菜式🤪🌟新竹魚蛋🌟口感彈牙，Q彈有嚼勁，好香嘅鮮魚味😋🌟山水滑豆腐🌟又係食完皮膚滑溜白白既一道菜式，豆腐充滿滿滿既蛋白質🤓🌟迷你黑木耳🌟木耳口感柔軟，又係養生必備既菜式之一😊🌟水耕BB生菜苗🌟生菜每次都係打邊爐既常客，貪佢好快就熟，口感爽口鮮甜，建議開頭就先淥左左菜先，唔會吸曬啲油