翡翠拉麵小籠包 (已結業)

星期六午餐唔知食咩好, 本來諗住同男朋友食快餐店, 點知抬頭就見倒 "翡翠拉麵小籠包", 當然要上去食返餐啦哩間分店真係又大又舒服, 比起對上一次o係銅鑼灣食就真係迫到丫今日完全唔駛等位, 坐窗邊, 而且係好正既梳化位, 未食就已經覺得心情大好首先當然係食個冷盤先啦, 之前食過肴肉, 今次就試醉豬手......老實講, 酒味係夠, 但係硬係覺得唔多合胃口, 無咩咸味跟住想飲啖湯, 就試下個宋嫂魚羹...嘩, 細碗到丫, 真係駛唔駛咁孤寒呀, 不過味道就幾好味喎再黎既...就係係人都會叫既小籠包啦, 真係好好味, 我夾左幾次都夾唔倒, 但佢又唔會爛, 而且皮簿, 真係估佢唔倒, d 肉汁好好味, 而且加埋佢個彊醋就簡直無得頂, 好事成雙, 叫了兩籠再黎就係排骨拉麵, 嗯.我地上海拉麵興趣不大..都係為左整碗野比男朋友仔食飽肚不過我當然都有食幾啖..麵好淋而且無味..無興趣, 排骨係就係好香口..但係基本上係炸豬肉, 仲要係好實好實既豬肉