樂天經典 (奧海城二期)

营业中

休息中

今日同老公經過奧海城見到呢間餐廳有二人螃蟹套餐，份量都幾足夠，又好味，都幾滿足🌸星馬金磚豆腐份量都唔少，金黃酥脆嘅外表入面包住好滑溜嘅豆腐，外脆內嫩，有豆香味，味道啱啱好，又唔會太鹹，都真係幾惹味🌸花雕雞油蒸螃蟹，大大隻蟹上枱，我同老公兩個食，份量真係夠哂！擺盤幾靚，香氣撲鼻！蟹肉肉質鮮甜細膩，啖啖蟹肉都食到雞油同埋滲有酒香味，味道層次都好豐富，好味！🌸沙拉排骨，排骨炸至金黃鬆脆！每一條排骨上面都沾滿沙拉醬，啖啖肉，香口又多汁！整體味道鹹鹹甜甜，用黎送飯就最啱呢！🌸蝦味魚子蝦球炒飯，炒飯好有鑊氣，食材仲好足料！魚子粒配埋彈牙鮮甜嘅蝦球一齊食，口感味道都好豐富！炒飯炒得好乾身，粒粒分明，味道唔錯🌸清心丸綠豆爽，清心丸軟糯又煙韌，清甜又爽口！仲有爽口甜甜嘅馬蹄片，夠晒清熱，啱晒呢排天氣熱食嘅透心涼甜品🌸檸檬薏米水味道唔太甜，飲落口好清新，而且仲好消滯餐廳舒適寬敞，食物整體質素都好高，份量都好足夠，幾抵食！餐廳店員服務態度好友善，抵讚