下站帖 (已結業)

由佢開張到而家一直都話去飲但係完全冇咗件事，最近終於的起心肝行咗入去買咗杯黑糖珍珠鮮奶，雖然已經飲過無數咁多間台式飲品嘅黑糖珍珠鮮奶，但係仍然都會對黑糖珍珠鮮奶婆有好高嘅期望。由一開始老虎堂嘅神級黑糖珍珠鮮奶開始，一直都未搵到一杯同佢可以相提並論嘅黑糖珍珠鮮奶，然而呢度俾我 嘅感覺係非常相似，首先珍珠比厚厚嘅黑糖包住，雖然叫咗小甜，佢係加少咗黑糖嘅份量，但係仍然都有好濃厚嘅黑糖味道，加上佢用明治牛奶，濃烈嘅奶味去配黑糖其實真係一絕。朋友都唔執輸叫咗杯泰式奶茶， OK喎！比好多出邊嘅台式飲品店沖泰式奶茶嘅水準高好多，起碼真係有泰式奶茶嗰種獨特嘅香味，唔係溝左好多水嘅感覺。最貼心嘅係佢有個打卡位，啲燈同埋底下嘅毛毛Props最啱打卡！