珍煮丹 (已結業)

講到好勁，仲要開係迷客Ｘ隔離，又帶老婆去試下囉。見到劉威煌做店員，原來佢好似係老闆之一。排隊買，５分鐘左右就得，但係要等Ｄ珍珠煮好，要等20分鐘。咁就一定係飲黑糖珍珠鮮奶 啦黑糖珍珠鮮奶 $30首先又冇掛杯黑糖紋，個樣已經輸左，咁如果好飲就唔睇樣啦，點知用左普通既明治牛奶，又唔夠creamy，！！你有飲過老Ｘ堂就知佢Ｄ奶好CREAMY好厚真心正。個樣又冇得揀大細，$30 幾啖冇晒。黑糖珍珠係幾彈牙，算比較焾身，但好普通囉！老婆話台灣好飲好多，過江到黎難飲左好多。當然唔係話一Ｄ都唔值，但真係同同期比既，差一段路囉.....失望失望。