靖 (已結業)

週末當然想同朋友出去食餐好嘅，今日喺尖沙咀呢間omakase日本餐廳食午餐，聽聞佢哋曾經喺銅鑼灣有開過店，所以一場嚟到梗喺要試吓。因為我哋好肚餓，所以嗌咗一個十二貫壽司餐，食物分開三次上菜，首先有沙律同埋蒸蛋仲有味噌湯。本人真係好開心，因為有我最鍾意食嘅拖羅同埋海膽！海膽好鮮甜，拖羅入口即溶，仲有吞拿魚茸魚生飯同左口魚，燒過嘅魚都好肥美，有魚油嘅香味！最後甜品有哈密瓜糯米糍，成餐飯都好正好抵食，回味無窮！