CHiLL-i (已結業)

今日喺觀塘做完嘢，一個人行街，經過觀塘駱駝漆大廈，以前已經知道呢度有好多嘢食，聞說有一間好有特色嘅西餐廳，於是一個人上去試一試。呢間餐廳鋪面唔算大，用開放式廚房，都幾特別，裝修好有心思、好有特色、幾得意。有很多貓嘅插圖，如果你喜歡貓，或養貓嘅人仕，一定食得更加開心。 麻辣海鮮意大利飯，有啲驚喜喎，好fusion，飯好淋、好多汁、好creamy，有少少辣。有好多海鮮：有大大粒帶子、魷魚仔、青口、蝦和蜆等。海鮮亦都好新鮮 ，真是不錯的選擇。熱情仲夏～係一杯用熱情果打嘅果汁，味道甜甜酸酸，真係幾好飲。食意大利飯，加一杯熱情仲夏，真係絕配。