燒烤屋 (已結業)

平日好少去沙田，因為太多人，次次周末去都人山人海。但每次去新城市都一定會過一田食串燒屋。呢間野我都食左好多年，佢隱身喺超級市場出面嘅food court，一邊賣串燒，一邊賣crêpe。講返串燒，佢價位唔高，十幾廿蚊串，推介煙肉年糕，口感煙煙靭靭，配上醬汁甜甜地加咸咸地煙肉，必推。另外，佢個燒牛舌都好食，十幾蚊串當然唔係厚燒日本牛舌貨色，雖然佢薄薄地，但勝在醃得好入味，好重咸香，食多幾串都唔漏。仲有墨魚咀都可以一試，咬入口爽脆、不過就冇咩味。order完串燒後我通常都會行入超市買埋野飲慢慢嘆！