陳茶館芋圓甜品專門店 (黃埔天地第3期百寶坊)

营业中

休息中

最近開心果真係hit到乜咁，所有甜品都離不開開心果，目前為止我都中過伏唔少，又貴又難食。今次我黎黃埔都係因為佢，成碗綠色野仲要有開心果碎真係超吸引！都唔平，要$52。我買嗰陣只知佢係開心果冇留意其他，直到食嗰陣先知原來佢有芋圓，真係滿足哂我。好驚佢好凍，因為生完B都盡量戒凍野但出奇地佢唔係冰凍嘅偏向室溫非常好！甜度唔係死甜，適中，係少甜版，開心果味都出嘅，不過再濃啲就perfect 喇。食開心果粒要小心啲，我啲牙肉俾啲尖尖位整到損左。唯一美中不足係佢啲開心果粒連埋衣一齊搞碎。$52貴左少少因為開心果嘅成本。整體好滿意同埋一定會再食，期待佢出多啲開心果嘅甜品。